BUG‘ QIZDIRGICH USKUNALARI NAZORATDAN O‘TKAZILMOQDA

Ishlab chiqarish barqarorligini ta’minlash va energoqurilmalarning ishonchliligini oshirish maqsadida “Tolimarjon IES” AJ da joriy ta’mir jarayonlari tashkil etilyapti.  

Mazkur ishlardan navbatdagisi korxonaning 6-bug‘ qizdirgich uskunasida olib borildi. Joriy ta’mir jarayonida ishchi g‘ildiraklar ko‘zdan kechirilib, zanglagan qatlamlar tozalandi. Shuningdek, podshipniklardagi yog‘larning me’yorda ekanligi nazoratdan o‘tkazildi hamda boltlarning mustahkamligi tekshirib ko‘rildi. 

Ma’lumot o‘rnida aytish joizki, korxonaning mazkur bo‘limida jami 20 ta bug‘ qizdirgichlari mavjud bo‘lib, ularning har biri 100 – 110 darajagacha ishlash imkoniga ega. 

“Tolimarjon IES” AJ Matbuot xizmati