Buyuk siymolar hayoti va faoliyatiga bag‘ishlangan tadbir o‘tkazildi

Alisher Navoiy va Zahiriddin Muhammad Bobur siymolari millatimizning iftixoridir. Ularning hayot va faoliyat yo‘llarini o‘rganish - o‘tmish va kelajakni uyg‘unlashtirish asnosida millat ma’naviyatini yuksaltirish tomon qo‘yiladigan muhim qadam bo‘lishi shubhasizdir.

Mamlakatimiz bo‘lab Navoiy va Bobur tavalludi munosabati bilan ma’naviy-ma’rifiy tadbirlar o‘tkazib kelinmoqda.

Xususan, Navoiy issiqlik elektr stansiyasida sana munosabati bilan Navoiy va Bobur ijodi va hayotiga bag‘ishlangan “Zakovat Quiz” intellektual o‘yinlari tashkil etildi.

Unda ishtirok etgan 9 jamoa 9 ta shart bo‘yicha bellashdilar. Yakuniy natijalarga ko‘ra “IQ” jamoasi faxrli birinchi, “BGQ-2” jamoasi ikkinchi, “Everest” jamoasi faxrli uchinchi o‘rinni egalladilar.

Ushbu tadbir yuqori saviyada bo‘lib o‘tkazilib, jamoalar buyuk siymolar hayoti va ijodini batafsil o‘rgandilar va fikr almashdilar.

“Navoiy IES” AJ Matbuot xizmati