YONG‘IN XAVFSIZLIGI BO‘YICHA TAKTIK O‘QUV MASHG‘ULOTLARI O‘TKAZILDI

Taxiatosh IESda tasdiqlangan rejaga asosan   stansiyaning binolarida yong‘in xavfsizligini ta’minlashni tashkil etish bo‘linmasi hamkorligida yong‘in o‘chirish amaliy taktik mashg‘ulotlari bo‘lib o‘tdi. 

Tadbir davomida xodimlarga yong‘in kelib chiqishi mumkin bo‘lgan joylarda nazoratni kuchaytirish hamda yong‘inga qarshi uskunalardan to‘g‘ri foydalanish bo‘yicha taktik o‘quv ko‘rsatmalari tashkil qilindi. 

Mutaxassislar tomonidan haqiqiy voqelikka yaqinlashtirilgan xavfli texnogen vaziyatlarda harakat qilish qoidalari amaliy mashg‘ulotlar yordamida ko‘rsatib berildi.

Tadbirdan ko‘zlangan asosiy maqsad - xodimlar va jihozlarda yong‘in xavfsizligini ta’minlash, yong‘in yoki boshqa favqulodda holatlarda ko‘ngilli o‘t o‘chirish drujinalarining birgalikdagi harakatlarini muvofiqlashtirishga qaratilgan. 

“Issiqlik elektr stansiyalari” AJ tarkibidagi korxonalarda uskunalarning ishonchli va barqaror ishlashini ta’minlash, elektr va issiqlik energiyasini ishlab chiqarish jarayoni uzluksizligiga erishish, ushbu jarayonda favqulodda vaziyatlarga yo‘l qo‘ymaslik maqsadida muntazam chora-tadbirlar amalga oshirilmoqda. Rejaga asosan xodimlar o‘rtasida muntazam profilaktik tadbirlar o‘tkazilib kelinmoqda.

Taxiato IES Matbuot xizmati